Portugalia ka marrë një barazim dramatik përballë Iranit dhe ka humbur mundësinë për të marrë vendin e parë në grupin B. Deri në kohën shtesë Portugalia kishte 7 pikë dhe Spanja vetëm 4, por një penallti për iranianët dhe një gol i Iago Aspas që solli barazimin me Maroku i çoi në kuotën e 5 pikëve, duke marrë Spanja vendin e parë për shkak të golavarazhit.
Ronaldo ka zhvilluar një ndeshje jo të mirë sot, pasi kishte shansin që të mbyllte ndeshjen nga pika e bardhë e penalltisë, por e gaboi, ndërsa ishte Quarezma ai që realizoi një gol fantastik në pjesën e parë.
Iranianët nuk u dorëzuan për asnjë moment dhe patën një rast të artë për të lënë eliminuar portugezët nga turneu. Portugali do të luajë ndaj Uruguait në 1/8-at.
Spanja ka vuajtur pafund ndaj Marokut super të motivuar por në fund i ka buzëqeshur fati teksa ka barazuar 2-2 duke marrë edhe vendin e parë të grupit me barazimin e Portugalisë. Ishin marokenët ata që kaluan të parët në avantazh por Isco i kundërpërgjigjet menjëherë.
Çmenduria ndodhi në minutat e fundit, kur marokenët kalojnë përsëri në avantazh. Por një goli Aspas, i konfirmuar me VAR i ka dhënë barazimin e çmuar spanjollëve që tani do të luajnë ndaj Rusisë në 1/8-at.
