Kristiano Ronaldo, nuk u stërvit të hënën me pjesën tjetër të skuadrës pas humbjes ndaj Milanit në “Allianz Stadium” me rezultatin 0-3. Ylli portugez së bashku me disa drejtuesve të klubit vizitoi fabrikën e Ferrarit në Maranella.
Me këtë rast, CR7 u ka dhuruar fanella të nënshnkruara pilotëve të Formula 1, Leklerc dhe Karlos Sainz, me të cilët edhe ka pozuar.
“Calciomercato” bën të ditur se me këtë rast, portugezi ka blerë një Ferrari Monza SP2 në vlerë prej 1.6 milion euro.
Seria e këtij automjeti është e kufizuar, ndërsa nga një model e disponojnë Zllatan Ibrahimoviç, Maks Verstapen dhe Gordon Ramsej.
Ylli i Juventusit ka një koleksion të madh makinash, në mesin e tyre Ferrari F430, Phantom Rolls-Royce, Lamborghini Aventador, Maserati GranCabrio, Bentley Continental GTC e McLaren Senna.
