Cristiano Ronaldo është i vendosur, ai do ta braktisë përgjithmonë Spanjën dhe kjo ka një arsye të fortë mbrapa. Ylli portugez ka nxjerrë në shitje të gjitha pronat dhe i ka dhënë fund edhe problemeve tatimore me gjykatën spanjolle.
Radio “Cadena Cope” raporton se Ronaldo ka paguar plot 14 milionë euro për të mbyllur gjykimin kundër tij. Ai akuzohej për mashtrim me deklarimin e të ardhurave, ku rrezikonte 2 vjet burg. Përveç shumës së lartpërmendur, Ronaldo do të paguajë edhe 5 milionë euro të tjera si gjoba dhe shpenzime.
Pas kësaj marrëveshje Ronaldo ndërpret çdo gjë që e lidh me shtetin spanjoll, madje raportohet se ai ka ndërprerë edhe punimet në një hotel që po ndërtonte në Madrid. Ronaldo është transferuar tek Juventusi pas 9 vitesh të lavdishme në Madrid, për një shumë mbi 100 milionë euro dhe do të fitojë 30 milionë euro në 4 vitet e ardhshme.
