Gjatë ditës së sotme në Shkollën e Policisë në Forumin e Romës, është mbajtur konferenca e vendeve të Ballkanit. Në këtë takim ishin të pranishëm, krerët e policive nga Shqipëria, Bosnja Hercegovina, Bullgaria, Kroacia, Greqia, Ish Republika Jugosllave e Maqedonisë, Moldavia, Mali i Zi, Rumania, Serbia, Sllovenia dhe Hungaria, të cilët kërkuan të luftohej kjo veprimtari e paligjshme në çdo drejtim dhe në çdo lloj forme.
Mediat italiane shkruajnë se krerët e policive të vendeve të Ballkanit kanë diskutuar në lidhje me fenomenet shqetësuese si krimi i organizuar, trafikimi i qenieve njerëzore, kontrabanda dhe lufta kundër terrorizmit.
Gjithashtu pjesë e takimit me krerët e policive të vendeve të Ballkanit kanë qenë edhe Europol, Interpol, Frontex dhe Selec, të cilët shikohen si partnerë të fuqishëm, ne3 zgjidhjen e plagëve sociale që po kalon kontinenti i vjetër. TIRANA TODAY
