Zhgënjimi i Romës nga Champions League ishte i madh, duke parë edhe si rrodhën gjërat gjatë ndeshjes. Por verdhekuqtë kanë një arsye të madhe që të festojnë, pasi të ardhurat që arritën nga ky kompeticion është afërsisht 100 milionë euro.
Giallorossit nuk do të shkojnë në Kiev për t’u përballuar me Real Madridin për trofeun, por ata lënë pas Shakhtar Donetskun dhe Barcelonën. Madje, i shkaktuan humbjen e parë të sezonit në garat evropiane, Liverpoolit, pasi ndeshja e dytë përfundoi 4-2 në Stadio Olimpico.
Sipas “Calcio e Finanza”, Roma do të përfundojnë sezonin me rreth 81 milionë euro të fituara nga UEFA-s dhe dhjetëra miliona euro në formë të bonuseve. Për më tepër, ata do të fitojnë rreth 18.2 milionë euro nga biletat, ku fitimi i tyre në total do të arrij shifrat rreth 99.2 milionë euro.
Kjo do të thotë që për herë të parë që nga 2012-13, Juventusi nuk do të jetë klubi me fitimet më të mëdha këtë sezon në garat e Evropës. Bardhezinjtë u skualifikuan në çerekfinale kundër Real Madridit, ku do të fitojnë 77.8 milionë euro plus 14 milionë euro bonuse që në total do të jenë 91.8 milion euro.
