Merkato e verës ka qenë mjaft e nxehtë dhe sidomos në Itali ku ka pasur shumë lëvizje në të gjitha skuadrat. Serie A ka filluar dhe klubet nuk mund të përforcohen, por kanë të drejtë të largojnë lojtarë deri më 31 gusht. Ishte Roma që largoi Kevin Strootman në Francë tek skuadra e Marseille, por prezantimi i tij ka shkaktuar “tërmet” në rrjetet sociale.
Ekipi i Marseille ka postuar një video ku prezanton transferimin më të fundit nga skuadra e Romës, ndërsa këtë e shoqëron me disa rreshta: Përshëndetje Roma. A jemi të mirë në prezantimin e futbollistëve? Hera e parë që e bëjmë, kështu që mos u tregoni shumë të ashpër me ne”.
Nuk ka zgjatur shumë reagimi nga skuadra e Romës, e cila duket shumë e hollë në ironinë që përçon, ndërsa iu kthen përgjigje francezëve: Të paktën jeni më mirë se videot e Interit”.
Kjo histori nuk do të kishte kuptim po të mbaronte me kaq. Skuadra e Interit prek në plagë skuadrën e Romës, teksa i kujton “grabitjen” që i bëri Barcelona të futbollistit Malkom. Me ironi Inter shkruan: Jo, Roma është klubi më i mirë për këtë punë, na pëlqeu shumë video ku prezantonin Malkolm”, por kjo video në fakt nuk ekziston, sepse ai nuk shkoi asnjëherë tek skuadra e Romës. Kjo ironi ka marrë shtrirje të gjerë në media, e cila në fakt duket të jetë edhe shumë argëtuese.
