Protestës së studentëve para Ministrisë së Arsimit i janë bashkuar pedagogë, shkrimtarë, por edhe artistë.
Për të mbështetur kauzën e studentëve, në protestë kanë shkuar publicisti Edmond Tupja, ish-zëvendës ministri i Arsimit Taulant Muka si dhe artisti Robert Aliaj.
Ky i fundit dha mesazhin e fortë për rininë shqiptare, që ajo mos të ndalet. Ai kishte zgjedhur që të shkonte në protestë së bashku me vajzën e tij, ndërsa tha se ka ende shpresën që ky vend mund të bëhet dhe vetëm studentët mund ta bëjnë atë.
“Studentët duhet të ndërgjegjësohen, të bëjnë trendin e politikës dhe teatrit. Jo si neve që e shkatërruam këtë vend dhe si lamë asnjë presje fëmijëve tanë. Bëjeni ju, se ne nuk e arritëm. Mos bëni siç bëmë ne. Ju qëndroni të pastër, mos bëni siç bëmë ne ata të dhjetorit. Ata sollën këtë mizeralitet. Unë po bëhem 60 vjet me shpresën për t’u bërë ku vend dhe s’u bë. Shpresoj që ju premtim që do i jepni fëmijëve tuaj ta mbani që ata të kenë diçka. Është e rëndë kjo”, tha Aliaj.
Ndërkohë, pjesë e mesazheve u bë edhe vajza e tij, Gala, e cila në anglisht shprehu lumturi që ndodhej në protestë. “Jam shumë e lumtur që të jem këtu mes jush”, tha vajza.
