Robbie Williams, për fat të keq rrezikon burgun, pas gjestit të pahijshëm në ceremoninë e botërorit.
Ai mori vemendjen gjatë hapjes së ceremonisë së Botërorit 2018, teksa nxori gishtin e mesit. Sikundër u duk qartë dhe nga pamjet, këngëtari teksa kërcente, nxori gishtin e mesit e më pas është larguar. Kjo video ka bërë xhiron e rrjetit dhe komentues të shumtë e kanë konsideruar si të pahijshëm veprimin e këngëtarit.
Thuhet se ai e tregoi gishtin e mesit drejt kamerave, që t’ju përgjigjet kritikave që ka marrë për faktin se ka pranuar të jetë pjesë e kësaj ceremonie, me ftesë nga Vladimir Putin.
Duke iu referuar mediave të huaja, këngëtari mund të rrezikojë burgun nëse veprimi konsiderohet i qëllimshëm.
Ai mund të dënohet për sjellje të pahijshme në publik, dhe mund të marrë gjobë.
