Barack Obama është një nga presidentët më të dashur në historinë amerikane, i cili e mbajti postin e tij prej 8 vitesh, për t’ia lënë të lirë më pas Donald Trump.
Sigurisht, pasuria e tij është relativisht e madhe, si një ish-president, por a e dini se një këngëtare shqiptare garon për pasurinë me Obamën?
Bëhet fjalë pikërisht për Rita Orën, pasuria e së cilës vlerësohet të jetë rreth 16 milionë dollarë (13 milionë euro), sipas të dhënave të fundit publikuar nga “Celebrity NetWorth”.
Nga ana tjetër, Barack Obama gjatë kohës kur ishte president, fitoi 12 milionë dollarë neto.
Burimi kryesor i të ardhurave janë padyshim hitet dhe albumet muzikore, të cilat e kanë çuar këngëtaren shqiptare në majat e klasifikimeve.
Në fund të vitit 2017, ylli i muzikës pop paralajmëroi turneun e ri muzikor që do ta zhvillojë gjatë këtij viti dhe ka lidhur gjithashtu kontrata me brende të njohura.
Vetëm nga marrëveshja me Adidasin, ajo ka përfituar 1.5 milion funte (1.68 milion euro). Nga viti 2016, këngëtarja bashkëpunon edhe me Tezenis, në koleksionet e të brendshmeve. Rita është gjithashtu një sipërmarrëse e suksesshme.
Edhe pse nuk kishte publikuar asnjë material të ri muzikor për një periudhë njëvjeçare (deri në prill 2017), ajo kishte fituar mbi 30 mijë euro në javë, duke përfituar 1.4 milion funte (1.57 milion euro) në atë periudhë 12 mujore.
Krahas këngëve, Ora është angazhuar edhe në aktrim dhe në gara konkurrimi, si ‘The Voice UK’, ‘The X Factor’ dhe ‘America’s Next Top Model’.
