WhatsApp sjell risinë më të fundit për të gjithë ata që e kanë të shkarkuar këtë aplikacion në celularin e tyre.
Tashmë, ndryshimi ka të bëjë me mesazhet zanore. Kështu, në versionin e fundit të WhatsApp, beta 2.18.362, secili prej jush mund të dëgjojë mesazhet zanore njëra pas tjetrës, pa pasur nevojë të shtypë “play” për secilën prej tyre.
Konkretisht, nëse merrni dy ose më shumë mesazhe zanore të njëpasnjëshme në një bisedë, ju nuk keni nevojë të shtypni përsëri “Play” që të fillojë mesazhi i radhës. Kjo pasi sapo të mbarojë mesazhi i parë, do fillojë automatikisht mesazhi i dytë vokal, dhe pastaj i treti, i katërti, e kështu me radhë, derisa të dëgjohen të gjithë.
Kjo punon si për bisedat në grup ashtu edhe ato individuale.
