iPhone 12 mund të mos ketë dy aksesorë, karikuesin dhe kufjet.
Analisti ndërkombëtar për siguri të smartfonëve, Ming-Chi Kuo, shkroi një hulumtim të ri, në të cilin thuhet se këto dy aksesorë mund të mos jenë të përfshira në gjeneratën e re të iPhone-it.
Apple po e bën këtë nismë që ta mbajë çmimin e iPhone 12-shit në të njëjtin nivel me iPhone 11, si dhe në këtë mënyrë emetimet e CO2 do të jenë më të pakta, njësoj si të hiqeshin 450 mijë makina nga qarkullimi
iPhone 12 pritet të jetë smartfoni i parë i Apple-it me mbështetje të rrjetit 5G.
Apple gjithashtu mund të zgjedhë paketimin më të vogël, i cili do të jetë më eko-miqësor dhe do të zvogëlojë kostot e blerjeve, pasi që më shumë telefona do të jenë në gjendje të futen në një dërgesë të vetme.
