Godet sërish mashtruesja Vjollca Hoxholli. Mashtrimet me shitblerjen e apartamenteve, janë kthyer në një fenomen mjaft shqetësues, me pasoja të rënda financiare për qytetarët. Një rast që ka denoncuar televizioni “Klan”, lidhet me padinë e ngritur nga një familjar, ku ndërtuesja e dyqanit ka dhuruar pronën dhe mallin që kishte brënda. Bujar Nallbani kishte blerë në vitin 2015 një dyqan me sipërfaqje 135 metra katrorë, për më shumë se 100 mijë euro nga ortaku i Hoxhollit, Ëngjëll Bengasi.
Por Bengasi u arrestua për mashtrim, dhe këtu nisën problemet edhe për Bujar Nallbanin. Shtetasi Bujar Nallbani ka denoncuar në emisionin “Stop” ndërtuesen Vjollca Hoxholli. Kjo e fundit i kishte hequr qepenat e dyqanit, dhe kishte zhdukur mallin me vlerë 10 mijë euro, duke pretenduar se ishte dyqani i saj, të cilin ia kishte shitur dikujt tjetër.
Gjithçka ndodhi në një kohë fare të shpejtë, pasi Bujar Nallbani ishte larguar për tre ditë. Gjatë bisedës me një efektiv policie, ky fundit i tha Bujar Nallbanit se forca e tyre është e kufizuar, pasi Vjollca Hoxholli ka arritur të mbyllë çështjet në Prokurori e polici.
Polici, identiteti i të cilit nuk bëhet me dije, i cili është nga Komisariati nr 6, e ka cilësuar si një super mashtruese. Po kështu ai nuk nguron të theksojë se drejtësia ka probleme.
Ndonëse Bujar Nallbani pretendon se është me të drejtën e tij, Vjollca Holloxhi deklaron se prona ishte e saja, dhe se ai nuk kishte të drejtë të vendoste qepena në “shtëpinë e saj”. Pavarësisht faktit që Nallbani ka lidhur kontratë sipërmarrjeje për dyqanin me “Beu Construction”.
