Milani ka filluar organizimin në të gjithë hierarkinë e klubit pasi fitoi çështjen në Gjykatën e Arbitrazhit Sportiv në Lozanë me UEFA-n dhe tashmë do të marrë pjesë në kompeticionet europiane, konkretisht në Europa League.
Paraditen e të shtunës është organizuar një mbledhje me të gjithë aksionarët ku janë bërë disa ndryshime thelbësore. Skuadra kishte nevojë për një ndryshim të madh pas largimit të drejtuesve kinezë dhe marrjes në dorë nga amerikanët e Elliot.
Paolo Scaroni do të jetë presidenti i ri, një biznesmen italian, drejtuesi kompanive energjetike italiane ENEL dhe ENI. Ai do të jetë presidenti i 27-të i Milanit dhe do të jetë përfaqësuesi i aksionarëve amerikanë të kuqezinjve, kompanisë së vëllezërve Elliot.
Drejtuesit e ri do të kenë një afat deri më 30 qershor në vitin 2020. Kjo mbledhje e parë ka shkarkuar edhe drejtorin e epokës kineze, Marko Fassone. Ky i fundit vetëm pak ditë më para se të largoheshin kinezët nga drejtimi kishte rinovuar kontratën e tij me klubin, por as kjo nuk i ka bindur amerikanët dhe e kanë larguar.