Napoli nuk ka ndërmend që të heqë dorë nga mbrojtësi shqiptar, Elseid Hysaj edhe pse në drejtim të tij kanë ardhur oferta mjaft të majme. Drejtuesit e të kaltërve janë duke punuar që ta blindojnë shkodranin edhe pse kontrata e tij do edhe shumë vite të skadojë. Raportohet se Hysaj do të firmosë një kontratë që do ta mbajë të lidhur me napolitanët edhe për dy vite të tjera.
Futbollisti ka kontratë me napolitanët deri në vitin 2021 ndërsa klauzola e largimit kap shifrat prej 50 milionë eurosh, i cili vlen për klubet jashtë Serie A. Napoli ka menduar që të blindojnë futbollistin e krahut të djathtë, ku kontrata e re pritet të zgjatët deri në vitin 2023.
Ai pritet të paguhet mbi 1,2 milion euro në sezon që nga edicioni i ardhshëm i ligës elitare italiane. Edhe klauzola e largimit pritet të pësojë ndryshim, pasi shifrat e lartcekura është lehtësisht e përballueshme për gjigantët evropianë. 24-vjeçari deri më tani ka luajtur 97 ndeshje për Napolin, por nuk ka arritur të shënoj ndonjë gol.
