Tifozët e Real Madrid vazhdojnë të jenë të zhgënjyer nga merkato që ka bërë klubi këtë verë. Pas ikjes së Cristiano Ronaldos drejt Juventusit akoma nuk është gjetur një zëvendësues i denjë për yllin portugez. Por ditën e sotme me anë të një postimi në rrjetet sociale është bërë “i gjallë” Fabio Coentrão.
Portugezi është rikthyer të stërvitet me madrilenët dhe kjo ka shkaktuar humor në rrjett social për tifozët. Një seri talljesh kanë vërshuar mbi portugezin, pa i dhënë paqe futbollistit e duke i shtuar edhe më shumë piper një historie që është dukur gjithnjë absurde.
“Legjenda vazhdon”, komenton dikush. E mes komentuesve ka edhe nga ata që nuk presin më lëvizje merkato nga Perez, sepse nuk ka nevojë: “Blerja më e madhe e Real Madrid je ti”. Pastaj ndonjë tjetër edhe e ekzagjeron … “Jepini numrin 7”. Në fund të fundit, portugez për portugez…
