Tekniku i kombëtares Shqiptare, Cristien Panucci ka publikuar në konferencën e sotme për shtyp listën e lojtarëve që do të marrin pjesë në dy ndeshjet e 6 dhe 9 tetorit. Lista përbëhet e rikthime dhe risi në kombëtare, ku është thirrur sërisht Taulant Xhaka dhe spikat 21 vjeçari që aktivizohet tek Breshia, Emanuele Ndoji.
Sikundër edhe në ndeshjet e mëparshme, trajneri Panuçi ka vendosur të zbardhë listën disa ditë përpara nisjes së grumbullimit, dhe daljes publike për mediat, ditën e hënë në orën 10.00 në selinë e FSHF-së. Për këto dy ndeshje mister Panucci ka grumbulluar 26 lojtarë, në një kohë që do të jenë të gatshëm në takimin me Italinë në Shkodër edhe futbollistët e skualifikuar për takimin me Spanjën, Mavraj, Roshi e Kukeli. Për dy takimet zyrtare eleminatore me Spanjën (6 tetor) dhe Italinë (9 tetor) do të jenë në dispozicion të trajnerit, edhe futbollistët Sokol Cikalleshi e Taulant Xhaka dhe Ermir Lenjani, të cilët rikthehen me ekipin kombëtar. Spikat edhe ardhja në kombëtare e futbollistit të Breshias, Emanuele Ndoji. Grumbullimi i skuadrës përfaqësuese do të nisë ditën e hënë në hotel “Tropikal, një kohë që trajneri i skuadrës do të dalë përpara mediave për këto dy ndeshje të radhës, duke iu përgjigjur interesit të medias, ditën e hënë në orën 10.00 në selinë e FSHF-së.
Më poshtë edhe lista e trajnerit Christian Panucci për takimet me Spanjën dhe Italinë.
