Kryeparlamentari Glauk Konjufca paraprakisht thirri deputeten Ganimete Musliu që të parashtrojë pyetjen, duke kërkuar që seanca të vazhdojë normalisht.
Ka nisur sërish seanca plenare në Kuvendin e Kosovës, pas pauzës 3 orëshe të njoftuar nga kryeparlamentari Glauk Konjufca, pas përleshjes mes deputetëve të opozitës dhe kabinetit të qeverisë.
Deputetët e PDK-së kanë rikthyer tensione në Kuvend, pasi kanë rrethuar foltoren duke e bllokuar atë. Kryeparlamentari Glauk Konjufca paraprakisht thirri deputeten Ganimete Musliu që të parashtrojë pyetjen, duke kërkuar që seanca të vazhdojë normalisht.
“Në zgjedhje shkojmë kur të doni. Nëse Kuvendi do ta realizonte këtë agjendën veç sot që e kemi, qeverisë do t’ia rrisnit motivit pernime me shku në zgjedhje”, tha gjithashtu Konjufca.
Çfarë ndodhi në Kuvendin e Kosovës?
Përplasje dhe tension në Kuvendin e Kosovës. Seanca nisi me reagimet e deputetëve të opozitës për publikimin e audi-përgjimeve të deputetes Mimoza-Kusari Lila dhe nënkryetarit të Listës Serbe Sllavko Simiç të cilët flasin për politikanin famëkeq serb Radoiçiç i shpallur non-grata nga amerika. Në foltore dhe karrigen e Kurtit, disa deputetë të opozitës kanë vendosur pankartat ‘Zdravo’ duke iu rreferuar skandalit të përgjimeve. Pasi kryeministri Albin Kurti mori fjalën në Kuvend duke folur për marrëveshjen me BE-në për të ulur tensionet, deputeti i Partisë Demokratike të Kosovës, Mërgim Lushtaku ka hedhur drejt tij ujë më shishe. Në këtë moment kanë ndërhyrë ministrat e kabinetit qeveritar, më pas situata ka dalë jashtë kontrollit.
