Boksieri filipinas Manny Pacquiao rikthehet sërish protagonist në boks. Ai ka mposhtur argjentinasin Lucas Matthysse me “KO” në raundin e shtatë në peshën “welter”. Fillimisht filipinasi e rrëzoi në tokë argjentinasin që në raundin e tretë dhe të pestë, por ai u ngrit sërish dhe vazhdoi luftën deri në raundin e shtatë ku një e majtë e fortë e rrëzoi në tokë.
Kjo fitore i hap dyert Pacquiao për një sfidë edhe më të madhe në peshën “welter”, këtë herë3 ndaj Vasyl Lomachenko, përballje që me shumë gjasa do të zhvillohet në dhjetor të këtij viti. Por rival mund të jetë edhe Terence Crawford, një tjetër kampion bote.
39-vjeçari filipinas, 60 fitore, 7 humbje e 2 barazime në karrierë, mori titullin e kategorisë WBA, që mbahej nga amerikano-latini, që pësoi humbjen e pestë në karrierën, ku numëron edhe 39 fitore.
