Programi i ri i punimeve në Kuvend, për periudhën 18 shtator deri më 13 tetor, parashikon kalimin në votim të një prej ligjeve më të diskutuara: menaxhimin e integruar të mbetjeve, i cili njihet gjerësisht si “ligji i plehrave”.
Nuk kemi të bëjmë me një nismë të re, por me dekretin e ish-presidentit Bujar Nishani, i cili e riktheu këtë ligj në Kuvend në 14 tetor të një viti më parë.
Mazhoranca u përpoq ta kalonte këtë ligj, por partia në atë kohë në koalicion me PS-në, LSI, nuk e votoi. Kështu, ligji kaloi vetëm me 63 votat e PS-së të pamjaftueshme për t’u implementuar, ndërsa tashmë kryeministri Rama ka 74 mandate, të cilat i sigurojnë votat e nevojshme për miratimin e tij.
Ligji për mbetjet u kundërshtua nga shoqëria civile e mbështetur nga qytetarë si dhe nga shoqatat për mbrojtjen e mjedisit.
Më poshtë Programi i Punimeve të Kuvendit, projektakti numër 17, i cili parashikon kalimin në votim të ligjit “Për menaxhimin e integruar të mbetjeve”:
Programi i Punimeve Te Kuvendit by Tirana Today on Scribd
