Makina më popullore në botë do të ridizajnohet për t’u kthyer në treg me një çmim të pranueshëm nga masa. Bëhet fjalë për modelin e ri 2020 Corolla që do të vijë nga kompania Toyota, e cila premton se ky model do të jetë më efecient dhe më i këndshëm për t’u ngarë se modeli aktual.
Një version i makinës erdhi Prillin e kaluar dhe është në shitje tashmë, por Sedan është makina që shumica e njerëzve e njohin si “Corolla”.
Corolla ka kaluar shumë kohë më parë ikona si Fordi apo Beetle e Volkswagen, duke u bërë makina më e shitur. Kështu, më shumë se 45 milionë automjete të tilla janë shitur në mbarë botën qëkurse Corolla u prezantua në vitin 1966, duke sjellë një periudhë të shpejtë rritjeje për industrinë japoneze të automobilave.
Popullariteti i saj e ndihmoi Toyota-n të bëhej forca globale që është sot. Sërish Corolla do të vijë në dy versione: Sedan dhe Hatchback. Kjo e fundit është për një audiencë që synon të marrë shumë kënaqësi gjatë drejtimit të automjetit.
Nga ana tjetër, Sedan do të jetë e disponueshme kryesisht për ata që duan një version luksoz të automjetit të tyre. Popullariteti i Corollas do të bazohet tashmë në prakticitetin e automjeteve. Toyota po ashtu premton standarde të larta dhe siguri të madhe tek automjetet e reja. Çmimi për Corollat e reja nuk është zbuluar ende, por versioni aktual fillon nga 19 mijë dollarë. Toyota Corolla 2020 del në shitje pranverën e vitit tjetër./ TIRANA TODAY
