Jemi në prag të majit, por moti është vërtetë i paparashikueshëm! Masat e ftohta të ajrit kanë rikthyer reshjet e borës në Korçë, Kukës e Librazhd, gjatë mbrëmjes dhe mëngjesit të sotëm, si pasojë e rënies së ndjeshme të temperaturave.
Termometri vlerën më të ulët e ka regjistruar në qytetin e Kukësit me 0 gradë celcius.
Në Dardhë dhe Voskopojë, trashësia e borës ka arritur deri në disa centimetra. Në Voskopojë, trashësia ka arritur në 5 cm, ndërsa janë duke vazhduar reshjet, kurse në Dardhë, bora ka arritur 15 cm.
Borëpastrueset po punojnë për pastrimin e rrugës së Dardhës, ndërsa temperaturat nesër do të zbresin deri në -2 gradë celsius.
