Pas uljes së përkohshme të temperaturave, Ballkani goditet sërish nga një tjetër valë e nxehtë.
Fatmirësisht, ajo nuk do të zgjasë shumë, por vetëm tre ditë, përkatësisht nga 9 korriku deri në datën 12.
Sipas Meteoalb, temperaturat e mesditës do të ngjiten mbi 33 gradë C në të gjithë Shqipërinë, duke kulmuar në zonat jugperëndimore me mbi 38 gradë C.
Problematike paraqiten edhe temperaturat gjatë orëve të natës dhe mëngjesit, të cilat do të ngjiten deri në 20 gradë C në zonat malore dhe mbi 25 gradë C në ultësirë.
MOTI SOT:
Forcohet qarkullimi ajror nga veriu i Afrikës duke diktuar mot kryesisht të kthjellët dhe të nxehtë. Mesdita sjell vranësira kalimtare në veri-verilindje duke rrezikuar nga shira të përkohshëm të izoluar.
Pasditja dhe deri mëngjesin e së shtunës mbetet me kthjellime në ultësirën perëndimore, por vranësira kalimtare do ketë në zonat verilindore – juglindore. Temperaturat e ajrit rriten ndjeshëm në mesditë duke bërë që Tirana, Elbasani, Kuçova, Fieri, Berati dhe Gjirokastra të shënojnë vlera mbi 36 ºC.
Era do fryjë e lehtë me shpejtësi 28 km/h nga drejtimi verior dhe veriperëndimor duke gjeneruar në det dallgëzim deri 2 ballë.
