Ribery rinovon me Bayernin, Lorik Cana bën komentin epik

Edhe pse në moshë 35-vjeçare, Franck Ribery ka rinovuar edhe për një sezon kontratën me Bayernin. Francezi do të qëndrojë deri në sezonin 2019 me bavarezët, duke e çuar 12 vite në total karrierën me kampionët e Gjermanisë.Me anë të një postimi në Instagram, ylli francez ka bërë njoftimin e rinovimit të kontratës, ku ndër të tjera shkruan në anglisht, se është krenar për këtë njoftim, dhe që do të vazhdojë karrierën me kampionët gjermanë.Por, një batutë e ka lënë edhe ish-kapiteni legjendar i Shqipërisë, Lorik Cana, i cili pasi e uron për rinovimin shkruan: “Bravo vëlla. Shënim: nuk besoj se e ke bërë ti këtë shkrimin në anglisht”, duke u tallur kështu me francezin, të cilin e ka pasur edhe shok tek Marseja.