Rey Manaj është bërë protagonist kryesor te Albacete në Spanjë Segunda Division duke shënuar golin e vetëm dhe të fitores kundër Rayo Majadahonda.
Sulmuesi i Shqipërisë hyri në fushë si zëvendësues në minutën e 73’-të dhe arriti të shënojë 6 minuta para fundit duke i dhënë tre pikë skuadrës që e ngjitin në vend të dytë në renditje, 1 më pak se kryesuesit e Granada. Manaj lëshoi një gjuajtje me të djathtën nga jashtë zone duke mos i dhënë mundësi reagimi portierit kundërshtar.
Ky është goli i dytë radhazi për lojtarin kuqezi, pasi në javën e kaluar shënoi me penallti ndaj Numancia.
