Floyd Mayweather ka konfirmuar të gjitha thashethemet që qarkulluan fundjavën që lamë pas se ai do të zbriste në kafazin e UFC-së. Gjatë një interviste ai ka konfirmuar se ka gjetur trajnerin dhe shumë shpejt do të fillojë stërvitja.
Trajneri i tij do të jetë kampioni aktual i peshave welter në UFC, Tyron Woodley, i cili pasi ka dëgjuar zërat është vetofruar për të stërvitur kampionin e madh të boksit. Mayweather fillimisht deklaroi se u pensionua nga sportet, por duket se nuk do të dorëzohet para një revanshi me Conor McGregor në kafazin ku ky i fundit është mbret.
“Do të filloj stërvitjen së shpejti,” është shprehur Mayweather. “Jam pasur kontakte me Woodley, por akoma nuk e kemi filluar stërvitjen.
“Do të më duhen rreth 6-8 muaj që unë të bëhem gati për të debutuar në UFC pasi dua të sigurohem që të jem gati 100%. Nuk jam aq keq në mundje sa mendojnë të tjerët. Mendoj se jam në një nivel mbi mesatare. Në boks dihet që jam më i miri ndërsa kick-boks ka më shumë nevojë për t’u përmirësuar. Akoma nuk kemi sqaruar shifrat por nëse numrat janë në rregull atëherë unë do të luftoj në UFC.”
