Marco Reus është kthyer në çështjen e ditës tek Dortmund. Edhe pse i dëmtuar ai është në qendër të vëmendjes pasi ka refuzuar rinovimin kontratës me gjermanët. Rikthimi i tij në fushën e blertë pritet të vonojë deri në muajin mars. Por pavarësisht dëmtimeve të shumta ylli gjerman nuk e ka humbur asnjëherë shkëlqimin e tij dhe shpesh ka qenë në lupën e klubeve të mëdha Evropiane. Reus ka deklaruar se po mendon largimin nga Dortmund dhe se e sheh veten tek një ekip tjetër, por se tek cili ekip asgjë nuk është bërë e ditur. Për gjermanin ka pasur interes të madh nga gjiganti i Real Madrid, por edhe nga disa ekipe angleze dhe italiane.
Reus i mbaron kontrata aktuale në 2019, ky mund të jetë shansi i fundit që ai të firmosë një kontratë me një ekip tjetër të madh dhe ai kërkon që të mos e humbë këtë shans.
“Janë duke më kërkuar 4-5 skuadra në Evropë ku do më pëlqente të luaja. Më 31 maj 2019 do të jem 30 vjeç, dhe më shumë mundësi kontrata e ardhshme që do të firmos do të jetë kontrata e jetës, dhe do të jetë mundësia e fundit që mund të provoj diçka të re. Të jem i sinqertë nuk e di as vetë se ku klub do të transferohem. Për momentin jam i lumtur këtu në Dortmund, dhe nuk e mendoj se çdo të ndodhë në vitin 2019. Por sigurisht kur të vijë momenti do ta mendoj dhe do zgjedh me qetësi”, është shprehur Reus.
