Vangjel Dule ka replikuar sot në seancën e Kuvendit, ku ka akuzuar Ramën se përdori një gjuhë urrejtje dhe raciste, duke vijuar me kërkesën ndaj Ruçit që të ndërpresë fjalën e çdokujt që përdor një gjuhë të tillë.
Jo vetëm kaq, por Dule e quajti Ramën kryenarkokultivuesi dhe kryetrafikant:
“Juve që pretendoni të respektoni rregulloren e keni shndërruar zbatimin e saj në abuzim, e keni për detyrë, nuk është në gjykimin tuaj nëse do e respektoni ose jo. Kryenarkokultivuesi dhe kryetrafikanti, pra kryeministri i vendit nga ky podium mbajti nj që do mbahet mend si gjuha e urrejtjes, gjuha e përçarjes.
S’është procedurë kjo! Kur një deputet abuzon me këtë mikrofon me gjuhë raciste, ju keni për detyrë ta ndërprisni sepse shndërrohet ën foltore turpi!
Nuk dua që të theksoj ajo që u tha shuam herë se streha e fudnit e kujt është pseudopatriotizmi.
Një gazetar tha ai njeri është njeri i zymtë dhe mbajeni mend se do mbjellë zymtësi politike dhe institucionale. Dëshiroj t’u bëj propozimin kur në foltore përdoret gjuha e urrejtjes të ndërpritet fjala”, tha Dule.
Edhe kryeministri i është përgjigjur kreu të PBDNJ-së, duke i thënë se nuk shau askënd dhe nuk përdori gjuhë urrejtje, ndërsa e akuzoi se atë se minoritetin e ka biznes politik!
PËRGJIGJA E RAMËS:
Zoti Vangjeli dhe Saliu nuk di ku dëgjove fjalët raciste, ku e ke gjuhën e urrejtjes, unë fola për një çështje që është çështje e këtij vendi dhe e këtij populli. As nuk shava kënd, as nuk lëshova gjysëm fjale me termat që sapo përmendet. Mbase, si minoritar të takonte ty të dilje dhe të pyesje Saliun kishte me të folurën time greqisht. E bëra unë sepse ta kam thënë, minoritetin e ke biznes politik! Unë s’kam biznes politik me asnjë çështje.
