Ekspozita “Refleksione” është hapur për artëdashësit në Galerinë e Artit Tiranë, në ditët e para të muajit shkurt. Artisti Eduart Karaj sjell për publikun ekspozitën me punime në pikturë, instilacione.
Piktori Eduart Karaj në një material rreth ekspozitës shprehet se arti lind, në sajë të ndjeshmërisë së dijes dhe talentit, prej botës së ndjenjave të tij.
“Arti lind, ne saje te ndjeshmerise se dijes dhe talentit, prej botes se ndjenjave te tij. Forma, ngjyra, ndjenja estetike, fantazia dhe perceptimi i asaj qe e rrethon artistin, bota rreth tij, perkthehet dhe formohet ne telajot e tij. Thelle thelle, çdo objekt, çdo send qe na rrethon, peisazhi, natyra, yjet, deti apo objekte te thjeshta jane ne vetvete unikale, jane art”, shprehet ai ndër të tjera.
Ekspozita që u hap në Galerinë e Artit Tiranë, vjen në vijim dhe të atyre më parë, që janë hapur në këtë institucion kulturor në kryeqytet.
