Menaxheri i Manchester City, Pep Guardiola, është përfshirë në një raport të policisë që heton për referendumin e pavarësisë katalanase. Raporti i policisë tani do t’i kalojë gjykatësit hetues të Gjykatës së Lartë, Pablo Llaren. Aktivistët Jordi Sanchez dhe Jordi Cuixart tashmë janë dërguar në burg, pasi referendumi i tetorit u konsiderua i paligjshëm nga qeveria spanjolle. Ata janë duke u hetuar me akuzën e ‘rebelimit’.
Guardiola është një mbështetës i njohur i fushatës për të shpallur Katalonjën shtet të pavarur dhe ai mori pjesë në një miting pro pavarësisë në Barcelonë në verë me presidentin e qeverisë katalane Carles Puigdemont, së bashku me dhjetëra mijëra demonstrues. Ai i tha turmës se do të votonte për pavarësinë më 1 tetor “edhe nëse shteti spanjoll nuk e dëshiron atë.” Megjithëse votimi nuk u njoh nga Madridi, policia spanjolle ka nisur hetimet ndaj figurave të profilit të lartë që tentuan të ndikojnë në opinionin publik.
Giuardiola ka vazhduar protestën edhe në fushën e futbollit pas arrestimeve të bëra nga policia spanjolle duke mbajtur një fjongo të verdhë në xhupin që ai vesh gjatë ndeshjeve. “Shpresoj që politikanët e burgosur të lirohen sa më shpejt dhe t’i bashkohen familjeve të tyre. Nëse i ka ndodhur atyre, mund të na ndodh edhe neve. Kjo se kanë dhënë një mëndim. Njerëzit nuk duhet të dyshojnë se kjo nuk i ndodh atyre, sepse realisht mundet. Nuk mund të injorojmë ata njëmbëdhjetë politikanë apo aktivistë, të cilët nuk e kanë lënduar askënd, por janë në burg se kanë kërkuar të drejtën e votës.
Shumë gjëra kanë ndodhur, kjo pasi dëshirojmë të votojmë, pasi dëshirojmë një referendum legjitim. Zgjidhja është se shteti dhe Katalunia duhet të pajtohen për një referendum, është aq e thjeshtë. Deri sa kjo të ndodh, do të ketë vetëm zgjidhje të vështira. Kërkuan të votojnë dhe janë në burg, është e frikshme që kemi shkuar deri në këtë pikë në shtetin e ligjit. Shpresoj që kjo të përmirësohet dhe të kemi zgjedhje demokratike me 21 dhjetor. Dhe kështu të krijojmë sa më shpejt institucionet dhe parlamentin katalunas”, ka thënë Guardiola.
