Recetat e shkruara keq, alarmohet Ministria e Shëndetësisë

Një studim i fundit në SHBA ka dalë në konkluzionin se, 4.7 % e problemeve shëndetësore te pacientët, kanë ardhur si rezultat i shkrimit të paqartë të recetave, të plotësuara nga mjekët. Recetat kanë qenë të vështira për t’u deshifruar nga farmacistët, ose janë keqinterpretuar nga këta të fundit dhe si pasojë kanë dëmtuar shëndetin e pacientëve.
Duket se Ministria e Shëndetësisë së Shqipërisë e ka marrë seriozisht këtë studim dhe ka nisur në rajone të ndryshme rekomandimet përkatëse për lëshimin e recetave nga mjekët. Sipas rekomandimit recetat duhet të shkruhen me gërma kapitale dhe shkrim të kuptueshëm. Gjithashtu nuk do të lejohen as simbolet, shkurtimet apo sigla të ndryshme.
Sipas studimit, të gjitha këto krijojnë keqkuptime duke ndikuar drejtpërdrejt në terapinë farmaceutike. /TIRANA TODAY/