Barcelona ka reaguar ashpër ndaj vendimit të gjykatës së Arbitrazhit Sportiv, e cila la të pandryshuar vendimin për pezullimin e Neymarit.
Braziliani u ndëshkua me karton të kuq në ndeshjen kundër Malagas dhe më pas ironizoi me arbitrin, duke e duartrokitur. Neymar përveç daljes nga loja, u pezullua dhe me dy ndeshje të tjera dhe ndeshja e dytë është “El Classico”.
Barcelona apeloi vendimin e Neymarit dy herë dhe në të dyja rastet mori përgjigjen negative. Por ekipi blaugran nuk e lë me kaq këtë çështje . Gjykata e Arbitrazhit Sportiv në Spanjë i dha dritën e kuqe Neymarit për sfidën ndaj Realit të Madridit, gjë të cilën Barcelona nuk ka ndërmend ta pranojë.
Ekipi katalanas ka deklaruar se do të shkojë në Madrid së bashku me Neymarin dhe sigurisht që ai do të jetë në formacionin titullar. Kjo është e mundshme por do kthehej në fatale për Barcelonën, pasi sfida mbyllet në moment që Neymar futet në lojë. Ndeshja fitohet 3-0 nga ekipi kundërshtar.
Nuk dihet nëse Barcelona është e vendosur për premtimin e dhënë por çështja Neymar sa vjen dhe bëhet dhe më interesante.
