Reali “piketon” pasardhësin e Zidane që do të bëjë revolucionin

Duket se Real Madrid është duke mbyllur një cikël, pasi pritet të ketë largime të bujshme të cilat filluan me Zinedine Zidane. Por nuk përjashtohet edhe mundësia e largimit të Ronaldo, Bale dhe Benzema të cilët së fundmi kanë shprehur dëshirën për tu larguar. Zidane ka pasur një sukses të jashtëzakonshëm në drejtimin e “los blancos” dhe dorëheqja e tij ka tronditur themelet e klubit.Perez me kupolën drejtuese kanë filluar menjëherë të studiojnë emrat e trajnerëve të cilët do ta zëvendësojnë atë. Kandidati kryesorë dhe më i përfolur së fundmi, për të marrë këtë detyrë të vështirë për të ndërtuar sërish një ekip fitues është Joachim Low. Trajneri i kombëtares së Gjermanisë, ashtu si ish-lojtari i “Los Blancos”, Guti, i cili është trajneri i ekipit të të rinjve.Real mund të provojë të marrë edhe trajnerin e Tottenham, Mauricio Pochettino, pavarësisht se argjentinasi ka rinovuar kontratën e tij për pesë vitet e ardhshme. Në fund, një nga emrat e mundshëm është ai i Arsene Wenger, me francezin që i tha lamtumirë Arsenal pas 22 vitesh me klubin e londinez.