Reali nuk gjen zëvendësues të Ronaldos, bie dhe pista Cavani

Real Madrid është duke kërkuar një emër të madh për sulmin, i cili do të zëvendësonte Cristiano Ronaldon. Ky i fundit u largua drejt Juventusit pas 9 viteve të mrekullueshme në Madrid. Emri që lakohej më shumë nga mediat spanjolle ditët e fundit ishte ai i bomberit uruguaian të PSG-së, Edison Cavani.Por ka qenë trajneri i parisienëve, Thomas Tuchel ai që i ka dhënë fund edhe kësaj piste, pasi ka deklaruar se nuk ka asnjë diskutim për këtë lëvizje dhe se ka folur me Cavanin. “Mendoj se ai do të qëndrojë këtu, askush nuk ka thënë asgjë dhe mendoj se ai qëndron. Nuk na ka shkuar në mendje largimi i tij, fola me të dhe nuk ka treguar asnjë interes për një transferim të mundshëm,” shprehet Tuchel.