Santiago Solari e ka nisur shumë mirë aventurën në stolin e Realit të Madridit. Fitore kundër Melilës, Vajadolid dhe Viktoria Plzen, duke rikthyer qetësinë në kampin madrilien, pavarësisht nivelit të kundërshtarëve.
Argjentinasi po bën mirë në stol, por Florentino Perez nuk është bindur akoma për cilësitë e tij dhe jetëgjatësinë në stolin e Kampionëve të Europës në fuqi. Poçetino dhe Martinez janë dy nga preferencat e presidentit të Realit, por ata janë të pamundur për momentin, pasi janë nën kontratë me Totenhemin dhe kombëtaren e Belgjikës.
Një gjë e tillë e ka shtyrë Perez të kontaktojë Zinedine Zidane. Siç citon “Euro United”, Perez ka kontaktuar menaxherin e trajnerit francez, Alain Miljaço, por përgjigja ka qenë negative. Zidan dha dorëheqjen nga Reali në majin e këtij viti, pas fitimit të 3 Champions-ave rresht.
Florentino Perez a contacté Zinedine Zidane et Alain Migliaccio pour le faire revenir à la tête du Real Madrid, il y’a quelques semaines. Refus catégorique du ballon d’Or 98. pic.twitter.com/HLj9tEIPDh
— SPORTS ZONE (@SportsZone__) November 9, 2018
Francezi ka refuzuar në mënyrë kategorike rikthimin në stolin e ekipit “merengues”, ndërsa Perez duhet të shohë për një alternativë tjetër, ose t’i japë besimin e duhur Santiago Solarit.
