Lajmi për largimin e Luka Modric nuk është pritur aq mirë tek Real Madrid. Duket se presidenti i klubit Florentino Perez nuk dëshiron ta shesë mesfushorin që shkëlqeu në Kupën e Botës. Për kroatin interes ka shprehur Interi, i cili ka bërë dhe ofertën zyrtare. Sipas mediave italiane zikaltërit e ka marrë përgjigjen pozitive nga futbollisti dhe tani presin të arrijnë një marrëveshjen me klubit.
Por sipas asaj që raporton “Mundo Deportivo” Reali i është drejtuar dyerve të UEFA-së për të ndaluar largimin. Arsyeja është se paratë që Interi do të përdorin janë të paligjshme. Sipas skuadrës “merengues”, zikaltërit do të paguajnë një pjesë të kësaj shumë nga paratë që vijnë direkt nga sponsorizimet e Suning. Ashtu sikurse PSG bëri një vit më parë me Neymar.
Reali e ka kërcënuar Interit që ti lërë me kaq bisedimet dhe të tërhiqet për çështje Modric dhe për këtë ka marrë masa, duke iu drejtuar UEFA-s për shkak të Fair Play Financiar. Interi i ofron një kontratë 4- vjeçare mesfushorit, i cili do të përfitojë 10 milionë euro në sezon, ndërsa i ka garantuar se pensionimin do e bëjë në një skuadër në Kinë me një kontratë, ku rroga kap shifra marramendëse.
