Reali i Madridit edhe pse po kalon një periudhë të suksshme këtë sezon futbollistik duket se është vënë para përgjegjësisë 3 finalet e sezonit po afrojnë.
Këtë të Mërkurë, Los Blancos sfidojnë në stadiumin “Balaidos” Celta Vigon për ndeshjen e prambetur që kanë në La Liga me shpresën për të hedhur një tjetër hap të sigurtë drejt titullit.
Në kampionat, Realit do ti mjaftonin 4 pikë në dy transfertat e fundit ndaj Celtës dhe Malagas për të fituar titullin kampion që i mungon prej 5 vitesh dhe për tu përqendruar më pas te finalja e Champions-it ndaj Juventusit.
Në Vigo gjithsesi, Reali i Madridit shkon vetëm për 3 pikë, diçka e tillë kuptohet qartë në deklaratat e trajnerit Zinedine Zidane.
” Na mbeten dhe 3 finale. Është shumë e thjeshtë ne jemi të përgatitur për gjithcka. Në La Liga kemi edhe dy ndeshje. Fizikisht jemi mirë dhe duam të fitojmë ndaj Celtës. Nuk pres tolerime! Jam i sigurtë se në Vigo, Celta do të luajë futboll, ata janë profesionistë dhe do të bëjnë maksimumin në fushë” tha Zidane.
