Real Madrid vazhdon të kërkojë një lojtarë me aftësi të mëdha në sulm, për të zëvendësuar Cruistiano Ronaldon, tashmë të larguar drejt Juventusit. Florentino Perez para pak ditësh u premtoi tifozëve blerje të mëdha dhe se çështja ekonomike nuk është aspak problem. Por akoma nuk ka asgjë konkrete.
Zgjedhja e parë e madrilenëve është Eden Hazard, që besohet se bisedimet me Chelsean janë të avancuara, duke parë edhe dëshirën e belgut për të luajtur me Realin. Por në pritje të këtij finalizimi “Los Blancos” po përgatiten të hidhen në sulm për Cavani-n.
Uruguaiani është një lojtarë mjaft i rëndësishëm për PSG-në dhe ka fituar dashurinë e tifozëve, pasi edhe sezonin që lamë pas ka shënuar shumë gola. Reali beson se mund ti bindë parisienët për “Matadorin” me një ofertë rreth 100 milionë euro dhe një rrogë 12 milionë euro në sezon për lojtarin.
