Pas largimit të Zinedine Zidane nga Real Madrid, Florentino Perez hidhet në sulm për të sjellë në Madrid një trajner të nivelit të lartë. Hierarkia e hartuar nga klubi madrilen kishte vënë në majë, si qëllim kryesor trajnerin e anglezëve të Tottenham, Mauricio Pochettino. Argjentinasi ka refuzuar ‘mbretërit’ pasi sapo kishte rinovuar me ekipi dhe ishte mjaft i kënaqur me atë që kishte nënshkruar.
Më pas topi kalon tek Allegri, italiani i Juventusit u përfol gjatë për një kalim në Madrid. Por në momentin që do të stërviste Cristiano Ronaldon në Torino gjërat ndryshuan dhe Allegri vendos të qëndrojë tek bardhezinjtë edhe pse pati një ‘krisje’ me drejtuesit.
Antonio Conte dukej si alternativë e lehtë për tu arritur, por që në të vërtetë nuk rezultoi e tillë. Italiani besonte se Chelsea do ti rinovonte kontratën dhe do të vazhdonte të punonte akoma në Londër, por kjo gjë nuk ndodhi dhe ai u shkarkua. Conte është një ndër trajnerët që është bëri pishman më shumë për atë vendim që mori.
Për Nagelsmann, mosha e tij, 31 vjeç, dhe mungesa e eksperiencës, ishin në disfavor për të marrë drejtimin e një skuadre si Real Madridi, në përbërje të së cilës janë yje të futbollit europian. “Nuk ka skuadër më të madhe se Real Madridi, por nuk është koha e duhur në karrierën time për të bërë këtë lëvizje”, – mësohet të ketë thënë 31-vjeçari.
Flitet që Perez kontaktoi edhe Jurgen Klopp pas finales së Champions League, por deri tani nuk ka asgjë zyrtare dhe mediat raportojnë se ai ka refuzuar ofertën. Më pas kur nuk kishte më alternativa më të mira dirigjenca e Real Madridit iu drejtua Julen Lopeteguit. Edhe pse ishte në prag të Botërorit dhe drejtonte një kombëtare si Spanja ai nuk e vuri në diskutim fare fatin që të pranonte ofertën. Po ashtu nuk ishte aspak problem për të që ishte zgjedhja e fundit në listën e Florentino Perez.
