Real Madrid ka në plan që të rifreskojë fazën sulmuese, duke parë problemet që ka hasur sulmi i “Los blancos” në këtë fillim sezoni. Forma e dobët që po kalon Benzama ka bërë që presidenti i madrilenëve, Fiorentino Perez ka në plan të sjellë në kryeqytetin e Spanjës, bomberin e Manchester City, Sergio Aguero.
Kjo lëvizje pritet që të bëhet që në merkaton e janarit që kemi para, pasi diferenca mes Real dhe kryesuesve të Barcelonës është thelluar në 10 pikë. Ky operacion pritet që ti kushtojë “galaktikëve” rreth 60 milion euro. Në fakt, një lëvizje e tillë mund të ndodhë vetëm nëse Pep Guardiola do të arrijë të marrë Alexis Sanchez nga Arsenali. Kilianit i skadon kontrata verën e ardhshme, por për të mposhtur konkurrencën e rivalëve, City pritet të ofrojë një shumë të konsiderueshme që në janar, çka do ta detyronte Arsenalin të pranonte ofertën. Transferimi i mundshëm i Sanchez në “Etihad” do të kishte një efekt domino, me Agueron që me shumë mundësi do të kalonte në “Santiago Bernabeu”.
