Real Madrid e nisi sezonin e ri duke vendosur një rekord negativ që nuk ishte parë në 10 vitet e fundit. Ai kishte numrin më të ulët të tifozëve në stadium dhe kjo lidhet padyshim me faktin që madrilenët nuk kanë gjetur akoma një zëvendësues dinjitoz për Ronaldon. Këtë gjë duket se më në fund e ka kuptuar dhe presidenti Florentino Perez, i cili për të mos lejuar braktisjen e tifozëve ka vendosur që të hidhet në sulm për të bërë dy blerje të mëdha.
Pika që ‘Los Blancos’ kërkojnë të përforcojnë është sulmi, pasi Benzema është në një moshë të madhe dhe Bale është i vetmi me eksperiencë për të luajtur në një klub të madh. Tashmë Perez ka gati 200 milionë euro dhe shpreson që të sjellë dy sulmues të fortë në “Bernabeu”.
I pari në listën e tij duket se është kapiteni i Interit, Mauro Icardi. Bomberi argjentinas sapo ka rinovuar me skuadrën zikaltëre, por nuk dihet nëse ka ndonjë klauzolë në kontratën e re. Mes dy klubeve ka plasur një “luftë” e vërtetë që pas dëshirës që shfaqi Modric për të kaluar në Serie A, pikërisht tek Interi. Reali ka denoncuar klubin zikaltër në FIFA dhe tashmë ndoshta e mendon si hakmarrje t’ia rrëmbejë kapitenin, gjë që duket mjaft e vështirë.
Por Icardi nuk është alternativa e vetme. Trajneri Lopetegui pëlqen shumë edhe sulmuesin i Valencias, Rodrigo. Los Blancos janë të gatshëm të shpenzojnë shumë përforcimin e fazës së sulmit para se të mbylle afati kalimtar ,e € 200 milionë do të investohen në Icardi dhe në yllin e Valencias, Rodrigon.
