Federata Zvicerane e Futbollit, ka reaguar menjëherë pas vendimit të FIFA-s për të hapur një procedim disiplinor për Granit Xhakën dhe Xherdan Shaqirin, pas festimit të tyre me shqiponjë.
Sekretari i Përgjithshëm i Federatës, Aleks Misher e ka distancuar institucionin zviceran nga çdo shenjë e mundshme politike në fushë, e nuk heziton të kërkojë edhe mirëkuptim e të gjithëve për lojtarët që i kanë rrënjët e origjinës nga Kosova. “Ka momente kaq të mëdha emocionale, në të cilat edhe zyrtarët e futbollit apo profesionistët nëpër media nuk mund ta imagjinojnë çfarë ndjejnë këta lojtarë, veçanërisht në një ndeshje kaq dramatike. Në radhë të parë, jemi të kënaqur që dy zviceranët shënuan dy golat për të marrë 3 pikët”.
