Kylian Mbappe padyshim është një ndër futbollistët më premtues për të ardhmen dhe shumë shpejt mund të jetë ai fituesi i “Topit të Artë”. Ylli francez gjithmonë ka qenë korrekt në fushë dhe nuk e ekzagjeron në asnjë moment, luan një futboll të thjeshtë dhe të bukur. Por në ndeshjen ndaj Uruguait ai tregoi edhe njëherë se është akoma i ri dhe i papjekur. 19-vjeçari ka protestuar më shumë se ç’duhet në një vendim të arbitrit dhe është ndëshkuar me kartonin e verdhë.
Ky gjest nuk i ka pëlqyer aspak trajnerit Deschamps i cili ka reaguar menjëherë duke i bërtitur lojtarit. Ndërsa vetëm pas pak e ka zëvendësuar duke lënë të kuptohet se kishte një krisje mes tyre dhe Mbappe nuk u largua aq i lumtur nga fusha.
Megjithatë trajneri ka gjetur momentin dhe e ka shpjeguar reagimin e tij të ashpër ndaj djaloshit. “I thashë: Kylian! Kylian! Nuk e meriton, por mos e bëj më,” tha trajneri francez, i cila më vonë e zëvendësoi djaloshin. “Unë jam trajneri juaj dhe unë dua të mirën tënde. Ai e meriton të gjithë admirimin për gjithçka që ai bën, por kur bën diçka që nuk më kënaq mua … e bëj për hir të tij. Nuk dua ta humbas atë për ndeshjen e ardhshme”, shpjegoi trajneri i Francës.
