Shumica e atletëve flasin pa problem për dëmtimet të tipit fizik, ndrydhje, tërheqje, ligament etj. Disa madje vendosin dhe kohë rekuperimi. Shëndeti mendor ama është një histori tjetër edhe tek sportistët.
Ose të paktën ishte tabu të flisje për problemet mentale të tipit depresion deri para se Naomi Osaka, teniste japoneze, t’i jepte fund heshtjes së dëmshme lidhur me këtë problem, duke u tërhequr nga ‘French Open’, turneu francez i tenisit, ndoshta më i rëndësishmi në botën e këtij sporti pas Uimbëlldonit në Angli.
Kjo është mga të parat herë që një sportist/sportiste e këtyre përmasave largohet nga një turne i madh jo prej një dëmtimi fizik por prej gjendjes mentale. Duke gjykuar nga reagimi, dukej sikur Osaka kishte zbarkuar në pistën e tretë të këtij sporti.
Sportistë të tjerë, kryesisht olimpisti Michael Phelps, kanë folur hapur për çështjet e shëndetit mendor më parë. Disa, si i madhi basketbollist i Los Angeles Lakers, Jerry West, përshkroi luftën e tij me sëmundjen në një libër vetëm pasi ditët e tij të lojës kishin kaluar prej kohësh.
Sponsori ‘Nike’ e ka mbështetur atleten në vendimin e saj.
