Ministri i Brendshëm, Sandër Lleshaj ka reaguar mbrëmë duke sulmuar Berishën, të cilin e cilësoi si një monstër që po shfrytëzon politikisht rastin e përdhunimit të minorenes në Kavajë.
Gazetarja Rudina Xhunga, teksa po drejtonte emisionin e saj, ka shpërthyer drejtpërdrejt teksa kërkoi që të ndaloheshin sulmet politike dhe tha se në vend që të replikojë me Berishën, në këtë rast Lleshajt duhet t’i vijë turp dhe të kërkojë falje që ndodhin ngjarje të tilla në vend ku ai është ministër.
“Zoti Lleshaj meqë po shkruan në Facebook se të ngacmoi Berisha. Po turp për ju dhe çdo burrë tjetër që vazhdoni me arrogancë të flisni kunder njeri-tjetrit. Thuaj më falni që kjo ngjarje ndodh në vendin ku unë jam ministër rendi. Thoni më falni që u përdhunua nje femije! Thoni njëherë më falni, mjaft duke sulmuar njëri-tjetrin”,– tha Xhunga.
