Ish-ministri i Brendshëm Dritan Demiraj ka reaguar për procesin gjyqësor “Kumanova”, pjesëtarë e të cilëve u dënuan me 746 vite burg në total, për përplasjet me forcat e sigurisë në lagjen e “Trimave”.
Nëpërmjet një statusi në profilin e tij në “Facebook”, Demiraj thotë se shqiptarët në Shqipëri, Kosovë, Mal të Zi dhe Maqedoni janë lënë pa mbrojtje ligjore e kombëtare. Ndërsa procesin gjyqësor, ish-ministri i Brendshëm teknik e ka quajtur farsë.
Statusi i plotë i Dritan Demirajt:
Të dashur miq,
Ndjej keqardhje te thelle si të gjithë shqiptarët në Shqipëri, Kosovë, Mal të Zi, FYROM dhe Kumanovë, që djemtë e saj u lanë pa mbrojtje ligjore e kombëtare, duke u dënuar në fillimin e muajit të Flamurit me 7 shekuj e gjysëm burg.
Dënoj me forcë proçesin farsë të gjykimit antishqiptar, te organizuar pa hetim ndërkombëtar dhe që nuk zbardh as të vërtetën dhe as autorët përgjegjës së tragjedisë dhe tradhetise së Kumanovës. DD.
