Raportuesi për Shqipërinë në KE, Thorsten Frei është treguar mjaft i ashpër me qeverinë shqiptare, teksa dënoi vendimin e saj për të mos i hequr imunitetin ish-ministrit të Brendshëm Saimir Tahiri.
Deputeti i Bundestagut po mban një konferencë, teksa ka dhënë informacione mbi “ngërçin” në rrugëtimin e Shqipërisë për çeljen e negociatave me Bashkimin Evropian.
Frei tha Saimir Tahiri është mbrojtur nga pikëpamja politike, duke mos lejuar gjykatën të vendosë për të.
Po ashtu, Frei theksoi se lufta kundër trafikimit të drogës dhe reforma zgjedhore janë disa nga pikat kyçe për integrimin e Shqipërisë në BE.
Fjala e Freit:
Për peshqit e mëdhenj mbetet për të parë nëse ka vërtetë goditje reale ndaj krimit të organizuar në përmasa të mëdha, të konsiderueshëm, kjo nuk është në mënyrë të mjaftueshme. Kam ndjekur rastin e ish-ministrit Tahiri, kam ndjekur se si është trajtuar ky rast në pikëpamjen politike. Mendoj se është një problem i madh që nuk i është hequr imuniteti, nuk ka arsye përse duhet të mbrohen persona të caktuar nga pikëpamja politike.
Çështja nuk mund të marrë përgjegjësi nga ana politike, kjo duhet marrë nga gjyqësorët.
A është vërtetë Shqipëria në gjendje që të mos ndalet përpara emrave të tillë në këtë rrugë?A është në gjendje të ndalohen të rinjtë të mos largohen nga vendi?
Është e rëndësishme që Shqipëria të ndjekë një rrugë të progresit për t’u bërë pjesë e BE. Mendoj se është e rëndësishme që qytetarët të shohin se si politika trajton çështjet problematike.
Reforma zgjedhore, një nga pikat kyçe për integrimin. E rëndësishme është që të mos pritet shumë gjatë për t’u marrë me çështjen e reformës zgjedhore.
Mendoj se ka një sërë aspektesh që duhet të bëhen, vizita ime i ka shërbyer pyetjes së deri në ç’masë këto janë realizuar.
