Shqipëria është një nga katër vendet qe shërben si pike transiti për rishpërndarjen e produkteve false, përfshi dhe produktet farmaceutike.
Zyra e Pronësisë Intelektuale e Bashkimit Evropian ka publikuar raportin e hartëzimit të tregtisë të produkteve false për vitin 2017.
Raporti identifikon sektorët kryesorë që preken nga falsifikimi si dhe pikat kryesore transit, produkte si ushqime, kozmetikë dhe pjesë këmbimi për kompjuter, shkruan “Vision Plus”.
Në këtë raport përmendet edhe Shqipëria si një nga katër vendet transit bashkë me Egjiptin, Marokun dhe Ukrainën.
Shqipëria bashkë me këto vende theksohet si me rëndësi të veçantë për rishpërndarjen e produkteve false të destinuara për Bashkimin Evropian.
Shqipëria është një pikë e rëndësishme transiti për kozmetikë e parfume false nga Turqia drejt BE-së. Gjithashtu përmendet për artikujt e lëkurës, kryesisht çanta dore.
