Shqipëria renditet një nga 5 vendet me mafian më të rrezikshme në botë, sipas organizatës “Reporterët pa Kufij”.
Kjo organizatë u citua edhe nga deputetja e PD-së Albana Vokshi, në një deklaratë, ku tha se ajo ka rrëzuar tashmë investimin e jetës së Ramës.
Gjatë fjalës së saj, Vokshi përmendi rastet e kërcënimeve me jetë që i janë bërë tre gazetarëve Klodiana Lala, Basir Çollaku dhe Alida Doda vetëm sepse ata kanë investiguar dhe kanë publikuar lidhjet e partisë në pushtet me botën e krimit dhe se koka e tyre kërkohet nga bandat kriminale.
Deklarata e Albana Vokshit:
Klodiana Lala, Basir Çollaku dhe Alida Doda janë kërcënuar për shkak të denoncimeve që ata i kanë bërë lidhjeve të krimeve me pushtetin si rasti i Tahirit apo Shullazit. Rasti i gazetares Klodiana Lala, ku përmendet agresioni i armatosur me breshëri plumbash natën e 30 gushtit 2018. Raporti thotë së vetëm dy javë para sulmit, gazetarja kishte publikuar investigimin për deputetin socialist Jurgis Çyrbja dhe lidhjet e tij me Emiljano Shullazin. Alida Doda nga ana tjetër bëri publike aferën e landfillit të Sharrrës ku humbi jetën minoreni Ardit Xhoklaj. Pronari i landfillit është zyrtar i lart i partisë në pushtet. Gazetarja Alida Doda u përndoq dhe u kërcënua nga kryebashkiaku i Tiranës thuhet në raport. Më tej protesta e Unazës së Re është censura më e ulët që Rama dhe qeveria i kanë vënë TV publik dhe mediave të tjera.
