Personi që qëlloi kryeministrin Rama do të vuajë 30 ditë burg. Gjykata e Apelit ka dhënë masën 30 ditë heqje lirie për Iljaz Katirajn, i cili qëlloi me këpucë para pak ditësh drejt kryeministrit Rama.
Ngjarja ndodhi në Spitalin e Traumës, teksa 50-vjeçari vizitoi efektivët e plagosur nga protesta e banorëve të Unazës së Madhe.
Situata e goditjes me këpucë u shmang nga truproja i kreut të qeverisë dhe forcat e policisë që arrestuan menjëherë burrin.
