Kreu i qeverisë do të marrë pjesë në ceremoninë e çmimit “Karli i Madh”
Kryeministri Edi Rama ndodhet për një vizitë në Aachen të Gjermanisë, ku do të marrë pjesë në ceremoninë e çmimit “Karli i Madh”. Në orën 10:15 do të mbahet pritja zyrtare për pjesëmarrësit, ndërkohë që në 11:15 do të mbahet ceremonia e akordimit të çmimit për Ursula von der Leyen.
Drejtoria e Çmimit Karl i Madh në Aachen vlerëson si arritje të veçantë të von der Leyen-it angazhimin e saj për kufizimin e pandemisë të Covid-19, qëndrimin e vendosur dhe të prerë kundër Rusisë dhe impulset për “Green Deal”, me të cilin Bashkimi Evropian deri në vitin 2050 synon të jetë neutrale ndaj klimës.
Presidentja e Komisionit të BE-së u shpreh e prekur për këtë vlerësim. Ajo falenderoi në emër të “të gjithëve, që besojnë tek Europa”, deklaroi von der Leyen në platformën X.
Që nga viti 2019, mban postin e presidentes së Komisionit Europian në Bruksel. Pas zgjedhjeve për Parlamentin Europian në qershor 2024, ku aleanca e qendrës së djathtë Partia Popullore Europiane (EVP) mori shumicën e votave, politikania gjermane u rizgjodh në mandatin e dytë në këtë post. Përpara se të merrte detyrën në Bruksel politikania kristiandemokrate për gjashtë vjet ka qenë ministre ndër të tjera edhe e Mbrojtjes në Gjermani.
Axhenda:
10.15 – Pritje zyrtare për pjesëmarrësit
11.15 – Ceremonia e akordimit të çmimit “Charlemagne” për Ursula von der Leyen.
